RRB Medical Test Rules 2026: Standard A1, B1, C1 Eligibility & Eye Sight Chart
Railway Recruitment Board (RRB) ke kisi bhi exam (ALP, NTPC, Group D, JE) mein Written CBT clear karne ke baad sabse mukhya charan Medical Fitness Test hota hai. Har saal hazaron candidates sirf Eye Sight Standards aur Medical Rules ki sahi jaankari na hone ki wajah se written clear karke bhi reject ho jaate hain.
Is detailed guide mein Railwayjob.online aapko Railway Medical Standards (A1, A2, A3, B1, B2, C1, C2), Eye Test Rules, Color Blindness aur Re-Medical Appeal ki poori jaankari de raha hai.
Railway Medical Standards & Eye Sight Chart 2026
Railway alag-alag posts ke hisab se medical fitness test leta hai. Neeche diye gaye chart mein sabhi standards ki details di gayi hain:
| Medical Standard | Distance Vision | Near Vision | Key Eye Tests |
|---|---|---|---|
| A-1 | 6/6, 6/6 (Without Glasses) | Sn 0.6, 0.6 | Color Vision, Night Vision, Binocular Test |
| A-2 | 6/9, 6/9 (Without Glasses) | Sn 0.6, 0.6 | Color Vision, Binocular Vision |
| A-3 | 6/9, 6/9 (With/Without Glasses) | Sn 0.6, 0.6 | Color Vision, Fogging Test |
| B-1 | 6/9, 6/12 (With/Without Glasses) | Sn 0.6, 0.6 | Color Vision & Binocular Test |
| B-2 | 6/9, 6/12 (With/Without Glasses) | Sn 0.6, 0.6 | Binocular Test |
| C-1 | 6/12, 6/18 (With/Without Glasses) | Sn 0.6, 0.6 | Normal Vision Test |
In Reasons Ki Wajah Se Candidates Medical Me Reject Hote Hain
- Color Blindness: Agar kisi candidate ko Red aur Green color pehchanne mein dikkat hai, toh wah Assistant Loco Pilot (ALP), Guard aur Driver jaisi A1/A2/B1 category posts ke liye Unfit ho jata hai.
- Lasik Laser Eye Surgery: Assistant Loco Pilot (ALP) aur RPF Security Posts ke liye Lasik Laser Surgery strictly allowed nahi hoti.
- Hydrocele aur Hernia: Is problem mein candidate ko permanent nahi balki temporary unfit kiya jata hai. Surgery ke baad re-examination ke liye apply kiya ja sakta hai.
- Knock Knee & Flat Foot: RPF aur Physical efficiency wali posts ke liye legs aur feet ka alignment check kiya jata hai.
Agar aapko Medical Test mein Unfit kar diya jata hai, toh aap 30 Days (1 Month) ke andar Principal Chief Medical Director (PCMD) ko Re-Medical Board ke liye appeal kar sakte hain. Iske liye aapko Govt Specialist Doctor se Medical Certificate banwa kar submit karna hoga.
Aise hi sabhi Railway Bharti, Admit Card aur Result updates ki fastest jaankari ke liye regular visit karte rahein Railwayjob.online par.